a_bungling_bird's Xanga Site

Weblog

Saturday, 23 May 2009

2009年5月23日星期六續
今朝一早check email再次收到另一個死訊. 舊同事康妮自殺死左.
收到email個刻相當震驚, 幾乎以為自己睇錯. 霎時過去種種浮現眼前, 由我第一日係尼間公司工作到最後一次見到佢一一如幻燈片般係腦海投射.
係對生命既另一場反思.
講真尼個舊同事真係無咩好印象留俾我. 猶記得當年岩岩入尼公司真係當佢神咁拜, 覺得佢好人, 咩都照顧住我尼個小妹妹, 但日子耐左笑面背後既冷語同暗箭先係最令人難受. 尼次係我第一次了解出尼工作係咩事.
半年後調職轉做internal, 漫長既百年抗戰正式展開. 短短半年我喊左3次, 最後一次同自己講無下次.
猶記得昔日佢有大志. 其中一幅圖畫係佢lo住個公文袋對我講: 等讀完尼個course我一定走! 結果此言一出唔到幾個月已經因事辭職(當然唔係讀完個course). 往後一兩年公司仲會收到佢寄尼既聖誕卡同上尼拜年. 個時唔明點解明知人人喊打佢都仲要咁厚面皮搵我地. 今日明了.
原來缺乏愛, 人人反應都係一樣: 死抓.
才26歲, 短短光陰留低左咩俾人呢? 無人期望你會留低一筆可觀既遺產, 但最少應該係一份活過既光與熱. 佢留俾我既就係如此一堆壞印象, 而家諗返頓時灰死煙滅. 有朋友問: 你仲未原諒佢? 你需要原諒佢的. 的確件事發生前無, 因為佢累我要走多一年冤枉路先學到我本來可以一早識既. 但而家諗返so what? 重要咩? 反正事實係我最後已經lo到自己需要既.
康妮既死係一份遺憾, 一份我無諗過自己會有既失落. 原來怒恨背後佢亦教我堅強, 忍耐, 同只求付出不問回報.....雖然遲, 但尼刻真正從心中釋放原諒左佢.
靈修經常會讀到類似句子: 他日當你離開世界, 會希望人地點寫你個墓碑呢? 雖然係老生常談, 但值得反思. 就係尼刻開始實踐, 願我地每個日到左臨終之日, 留返俾世界既會係永恒既光同熱.
2009年5月23日星期六雨
期盼已久, 天文台講左好耐既一場大雨今日終於到落左. 成個下晝個天都係灰矇矇一片, 但卻掃走左過去幾星期既酷暑. 尼個月生活歸於平淡, 扭開電視講真有時都幾開心(黑心d講句), 乜乜大公司裁員100人, 某某大公司裁員200人, 感謝上帝安排我係尼個時間失業, 咁多人無野做我都唔係好差姐
昨晚一夜無眠, 話說臨訓前小狗突然nut牙.
平時習慣臨訓前掃掃小狗say個night先訓, 昨晚抱上手唔多妥. 點解會咯咯聲既? 望左陣, 唔會掛......nut牙?! 即時戴手套伸隻手指入佢個口望望, 成個身打曬冷震.......隻牙係個口入面半天吊, 仲流埋血=.= 猶記得7年前小狗拔牙, 個時獸醫仲話要開埋消炎止痛葯俾佢. 尼次乜都無, 霎時腦過閃過一炸傷口處理不當既後果, 咩心瓣炎腦膜炎..... 而家最驚佢發燒. 小狗今年已經18歲, 月初帶佢睇獸醫個醫生都幾乎嫌佢老唔多望佢個隻. 點搞a=.="....望望個鐘, 1:45am, 今晚唔駛訓了.
最後顧不得小狗掙扎, 恨心"啪"一聲... 霎時全世界靜了. 小狗望住我, 呆左; 我都望返佢, 呆左. 好, 訓覺.
今朝起身小狗跳下跳下無咩野, 好似咩事都無發生過一樣, 但個身仲興. 喂! 退左燒未ga 點都好, 還是祈禱主唔好俾佢有事.
過去幾年鮮有時間陪陪小狗, 直到而家留係屋企, 先發現小狗已經差唔多了. 月初帶佢睇獸醫, 做曬心理準備打算送佢一程, 點知獸醫話佢無野, 仲食得訓得有排挨. 就係咁, 小狗就逃過一劫, 氣數未盡la.
最近教會團契其中一次主題講戀愛, 基於心虛我罕有地做左逃兵. 但開始諗尼個問題......剛才小狗係我懷中訓著左, 最高難度係佢鍚我鍚到訓著左, 連抱高左佢都唔知個頭半天吊, 唔知真係以為佢死鬼左嚇鬼死......好可愛
雖然朋友多番解釋拍拖戀愛係點點點, 似終覺得唔太合理. 但如果將小狗當成伴侶, 開始明白一點點, 這就是愛.
愛是恆久忍耐、又有恩慈．愛是不嫉妒．愛是不自誇．不張狂．不作害羞的事．不求自己的益處．不輕易發怒．不計算人的惡．不喜歡不義．只喜歡真理．凡事包容．凡事相信．凡事盼望．凡事忍耐。愛是永不止息． (哥林多前書13:4-8)
謝謝你小狗, 讓我學識愛
雖然我睇唔到野, 但我知你影緊我ga~
兩個好少咁fd ga wo, 咩事呢?
唔好影la, 人地訓緊ga!

Thursday, 14 May 2009

最近朋友介紹左首歌, 相當有意義. 有拍拖又好未拍拖也好, 請細細留心歌詞
不要驚動愛情 -【真的戀愛了】電影插曲
主唱：高皓正
作曲：歐陽業俊
填詞：高皓正
編曲：歐陽業俊
很想輕撫你　所以避開你
寧願用距離　去令你好奇
迴避過眼神　先偷偷喘氣
吩咐手臂　放在原地
傳聞浪漫太快　愛戀都走得快
才會　遲遲未步向你　說一世愛護你
＊情太過洶湧像深海　而我卻會忍耐
但求來日你醒過來
這份情像翅膀打開
還沒有相擁別意外　神教會我等待
待情流像細水　才去承諾你
拿一生兌換愛
很心急擁抱　所以在禱告
求甜蜜以前　帶著你慢步
遊歷過旅途　等一天終老
生老病死　一起細數
原來慢慢靠近　更珍惜這一吻
而我停留是為了你　要給予你護蔭
＊REPEAT
能為愛戀學習按耐　情信寄進心內
但求能學會倚靠神
愛被馴服過更精采
連地老天荒亦不更改　時間永遠等待
等你情願那天　才去承諾你
無止境那份愛
我用沈默叫醒愛情　你用期待做你反應
繼續行近直至開始愛

Thursday, 16 April 2009

2009年4月15日星期三陰
可能一個人真係要等到自己病到郁唔到攤係張床, 先會真正停低落尼.
經過昨晚一夜抗戰, 今日情況終於好起尼. 起身燒退左, 胃無再痛, 連床邊standby定用尼嘔既啖罐亦用唔著. 醫生d葯個果然葯到病除, 緊係la成5皮野~
今日成個下晝就係伏左係電腦前睇書打字, 相當充實寫意. 如果日日都可以咁就好lo~
夜晚返左祈禱會. 因為仲處於齋戒期(乜野肉a肥膩野全部唔食得)無同waiyu佢地dinner, 但返到去出奇地竟然見到michael?! 聽返婆婆講原來佢做左浸禮班既旁聽生, 驚訝! 雖然未必會浸, 但佢願意撥出時間認識教會認識信仰, 還是衷心的為佢感恩.
今日既重頭戲就係完左祈禱會跟鮑生做既MBTI, 雖然讀書緊時係學校做過, 但難得有專人分析, 當然唔想過錯機會. 得出尼既結果跟以前一樣都係ISTJ無變化, 反而鮑生既分析就令人意外. 自問平時都算感性體貼, 數學能力亦弱, 但經鮑生一講, 係我每講一句佢同我分析一句, 先知自己邏輯力都頗強, 強到過份理性理論一大堆=.= 今後既日子會好好銘記鮑生個句: 嘗試用心感受身邊既人和事而不再用理性解釋.

肚痾作嘔必備 - 7喜, 飲左幫你極速恢復體力! post佢出尼無他的, 純粹鐘意個 fido dido咋^^"
等到頸到長埋終於等到個時係台灣寄返尼既名信片la! 雖然當日情懷不再, 但容或ISTJ既人比較固執, 還是對尼次台灣之旅有著無限思念....

Tuesday, 14 April 2009

2009年4月14日星期二晴
今日簡直係浪費我d寶貴時間!
話說今日既planning本來係一早起身去游水, 順便係商務買書, 跟住下晝睇書, 晚夜留返d時間陪卓頤. 點知一個腸胃炎搞到我無左半條人命, 仲打斷曬今日d安排!
最近眼見著身體一日日咁差落去, 有d唔甘心, 想話操操佢, 咪一早去左游水lo. 點知唔知係咪泳池d水唔乾淨, 坐馬鐵個胃已經頂唔住係車站嘔左次. 返到屋企飲左啖水又嘔. 一覺訓醒食左兩啖飯, 再嘔! 迫於無奈局住又~~要睇醫生.
打左支針已經係5:00既事, 就咁又無左成個下晝. 再訓. 訓醒情況似乎無好到不單子仲差左, 局住再睇=.= wa尼次落一落去診所甘lo, 抗生素唔該, 仲要驗埋小便! 唔係專科咁都要$500?! 搞錯! 咁大個女第一次睇d咁貴既醫生....
講起買書仲好笑, 有本書睇中已久, 橫死掂死決定忍痛買左佢. 點知去到商務臨到俾錢成張紅衫魚已經lo左出尼榨左係手個刻, 先記起係wo! 個時志成俾左張$100既書卷wo......於是, 尷尬地唯有對個店員講"小姐, 唔好意思我都係唔要了." 我諗緊個姐姐係咪覺得我玩野.
已經無耐未試過一日只食一餐. 對上個次已經係一兩年前拔智慧牙既事. 面對住眼前既白粥....又愛又恨. 愛, 因為真係已經成日無食過野; 恨, 因為食左仲辛苦過唔食, 個胃好痛.....救命!
周卓頤變態的! 趁住我同朋友講電話講到最興高采烈緊時尼咬人! 由於講緊電話仲要若無其事唔出得聲! 好痛a媽a!
小朋友係最可愛的, 知道自己整痛姑姐自願俾我咬返幾下~ 果然大將之風似足姑姐有ka!
兩個都係男人幾大對比. 一個cc縮縮驚人影佢, 一個成副"話之你影"既模樣, kaka! 尼個係星期日上威哥屋企時影的.
唔讚得. 仲咩咁怕人影你地姐~

咁正既通粉邊個煮ga呢? 緊係唔係我la~ 係tak哥仔個晚腸胃炎婆婆為佢精心炮製既愛心通粉, 真係羨煞旁人~